Skúli og ansing

Dagført 24. august 2020

 

Miðnám, yrkisútbúgvingar og hægri lestur

Fylg við á heimasíðuni hjá skúlunum, har kunnað verður um støðuna. 

 

Fólkaskúlin

Sum fráboðað, so byrja allir fólkaskúlar aftur týsdagin 18. august.

Støðan við koronusmittuni broytist støðugt, og politiski- og heilsufakligi myndugleikin fylgja neyvt við gongdini. Smittutrýstið er høgt í Havn í løtuni, og tí verða ymsar tillagingar gjørdar í stóru skúlunum í Havn. 

Næmingar í 1. til 5. flokki møta sum vanligt.

Næmingar í 6. til 10. flokki (Námx) byrja skúlagongdina 24. august. Skúlarnir, talan er um, eru:

• Skúlin við Løgmannabreyt
• Hoyvíkar skúli
• Eysturskúlin
• Skúlin á Argjahamri
• Sankta Frants skúli
• Skúlin á Fløtum

Allar skúlaleiðslur í landinum hava saman við starvsfólkum sínum skipað soleiðis fyri, at alt kann virka so trygt og gott sum gjørligt, nú skúlaárið byrjar.

Siðvenja er, at foreldur fylgja børnunum í skúla fyrsta skúladag, og skúlarnir fara at fyriskipa tað soleiðis, at hetta eisini kann verða gjørt í ár. Umráðandi er sjálvandi, at hetta verður gjørt á koronutryggan hátt.

 

Dagstovnar

Tað er ymiskt frá stovni til stovni, hvussu virksemið verður skipað. Um foreldur hava spurningar hesum viðvíkjandi, ber til at seta seg í samband við viðkomandi stovn ella kommunu.

Kunna teg um støðuna á heimasíðuni hjá avvarðandi kommunu og/ella á heimasíðuni hjá stovninum.