Reinføri og ráð

Nýggj coronasmitta spjaðir seg oftast, har nógv fólk savnast. Sjúkan smittar millum annað við lógvataki og smáum dropum frá hosta og njósi. Ansa eftir tær sjálvum og øðrum við at fylgja hesum ráðum.

  • Vaska tær væl og ofta um hendurnar
  • Hosta ella njós í ermuna – ikki í hendurnar
  • Avmarka kropsligt samband við onnur sum til dømis lógvatak, klemm og kinnkoss
  • Halt eyga við reinføri bæði heima og til arbeiðis
  • Ver sera ansin í støðum, har nógv fólk savnast
  • Kennir tú teg sjúka ella hevur sjúkueyðkenni, ver so heima, soleiðis at tú ikki smittar nakran

Leiðreglur fyri sosiala samveru 

  • Ver heima. Ver bara saman við øðrum, um tað er alneyðugt.
  • Hugsa um at útseta føðingardagar, veitslur og onnur tiltøk, har tað savnast meira enn 10 fólk.
  • Um tú noyðist at hitta onnur, skal tað vera saman við so fáum, sum gjørligt. 
  • Hittist heldur uttandura enn innandura.
  • Minst til altíð at halda frástøðu (2 metrar).
  • Hav gott hondreinføri, vaska tær ofta og væl um hendurnar. Spritta hendurnar, um tú ikki hevur atgongd til vatn og sápu. 
  • Hosta og njós í ermuna - ikki í hendurnar.
  • Minst til, vit kunnu øll vera smittuberar, hóast vit eingin sjúkutekin hava. 
  • Verið varug við sjúkueyðkenni, ið kunnu benda á coronavirus, t.d. hosta og fepur, og ver heima um tú merkir tær okkurt.