.svg)
Góð ráð til skipan av arbeiðinum
Arbeiðs- og brunaeftirlitið hevur sett saman vegleiðing í samband við skipan av arbeiðinum.
- Gerið váðametingar av smittuvandum, ið eru knýttir at arbeiðsuppgávunum, og gerið munagóð fyribyrgjandi tiltøk - t.d. við at nýta handskar, at spritta ella spjaðing av viðskiftafólki.
- Gerið greitt, um ávís starvsfólk eru í serligum vandabólkum, og tak serligt atlit til hesi - t.d. starvsfólk, sum hava niðursett mótstøðuføri.
- Haldið hóskandi frástøðu (2 metrar) millum starvsfólkini, tí covid-19 smittar lætt og skjótt.
- Mælt verður til, at fólk í minst møguligan mun savnast í bólkum. Jú færri tess betri - í mesta lagi 10 fólk.
- Být starvsfólk sundur í smærri vaktir, sum ikki arbeiða samstundis.
- Lat ikki vaktirnar møtast í hurðini.
- Vaska/spritta millum hvørja vakt - sí leiðbeining um reinføri á arbeiðsplássinum omanfyri.
- Tilmæli um í mesta lagi 10 fólk eigur helst at vera fylgt.
- Er ikki møguligt at fylgja tilmælinum um, at í mesta lagi 10 fólk eru saman í senn (t.d. á flakavirkjum), er serliga umráðandi at hava serlig fyrilit og fyrivarni - m.a. økja enn meira um reingerð av felagsøkjum, og at tryggja at fólk einans savnast í smærri bólkum.
- Starvsfólk hava altíð eina skyldu til at virða og fylgja fyribyrgjandi átøkum, sum ein arbeiðsgevari setur í verk.
Sí plakat frá Arbeiðs- og brunaeftirlitinum niðanfyri.
Góð ráð til innanhýsis kunning á arbeiðsplássum
Arbeiðs- og brunaeftirlitið hevur sett saman vegleiðing í samband við innanhýsis kunning á arbeiðsplássum.
- Kunna starvsfólkini væl og greitt um, hvørjar tillagingar eru gjørdar á arbeiðsplássinum og um serligar mannagongdir eru galdandi.
- Gev greið boð, um starvsfólk eru farin í sóttarhald, og hvørt hetta ávirkar onnur starvsfólk.
- Savna alla innanhýsis kunning á einum stað - talgilt ella á einum sjónligum stað á arbeiðsplássinum.
- Avmarka innanhýsis kunningina um coronasmittuna til kunning og tilmæli frá almennu myndugleikunum.
Sí plakat frá Arbeiðs- og brunaeftirlitinum niðanfyri.
KUNNINGARPLAKATIR
SKIPAN AV ARBEIÐINUM
KAFFISTEÐGIR, KANTINUR OG ANNAÐ
INNANHÝSIS KUNNING TIL STARVSFÓLK
REINFØRI Á ARBEIÐSPLÁSSINUM
BYGGIPLÁSS OG SMITTUFYRIBYRGING
