Í gjár vórðu 451 fólk koppsett. Koppsett var á bústovnum í Suðuroynni og á Landssjúkrahúsinum. 18 fólk fingu fyrstu koppseting og 433 fingu seinnu koppsetingina.

Nú eru tilsamans 6816 koppsetingar gjørdar í Føroyum. 4190 hava fingið fyrra prikið og 2523 fólk hava fingið seinna prikið og eru liðugt koppsett.

Nú verður ein stuttur steðgur í koppsetingini, meðan bíðað verður eftir meira koppingarevni. Eftir ætlan kemur ein nýggj sending við umleið 1300 skamtum til Føroya fríggjakvøldið, og so verður koppsetingin tikin upp aftur fyrst í næstu viku.