26. June 2020 | kl. 16:16

Føroyar lata meira upp - minnist til frástøðuna

Leygardagin 27. juni verður latið enn meira upp fyri ferðing til og úr Føroyum. Hetta merkir bæði, at føroyingar kunnu ferðast í enn fleiri lond, men tað merkir eisini, at útlendingar úr fleiri londum kunnu ferðast til Føroya. Við at lata upp fyri ferðing til og úr Føroyum økist tá eisini smittuvandin í føroyska samfelagnum aftur.

Fylgja vit almennu tilmælunum eru bæði onnur, men eisini vit sjálvi betri vard móti nýggjari coronusmittu. Samstundis eru vit viðvirkandi til at forða fyri, at smittan tekur dik á seg og breiðir seg í samfelagnum. Tí er tað sera umráðandi, at øll framhaldandi halda almennu tilmælini.

  • Vit mugu framvegis minnast til at halda frástøðuna. Frástøðan er eitt tað besta amboðið móti smittu. Tí er tað umráðandi, at vit minnast til frástøðuna, millum annað tá vit eru støð, har nógv fólk er savnað.
  • Vit minnast til at hosta og njósa í ermuna, tí coronasmittan er ein dropasmitta, sum smittar skjótt og lætt.
  • Vit minnast til at hava gott reinføri og vaska okkum ofta og væl um hendurnar, tí vanlig sápa brýtur feitthindina hjá virus og er tí besta evnið at sóttreinsa við. Um tú ikki hevur atgongd til sápu og vatn, kanst tú brúka hondspritt.
  • Vit mugu framvegis minnast til at avmarka kropsligt samband, tí vit kunnu øll vera smittuberar uttan at hava sjúkueyðkenni.
  • Vit eru serliga varug við sjúkueyðkenni sum t.d. hosta og fepur. Ver heima, um tú merkir tær okkurt, og ring skjótast gjørligt til læknan ella til læknavaktina, um tað er uttanfyri vanligar upplatingartíðir, soleiðis at tú kanst kannast fyri COVID-19.
  • Vit brúka vit og skil, tí soleiðis ansa vit best eftir hvørjum øðrum.

Her kanst tú lesa meira um nýggju leiðreglurnar fyri ferðandi, heimauppihald og finn almennu tilmælini. Hevur tú spurningar ella ivamál um eitt hvørt, kanst tú ringa til Coronalinjuna á 30 40 40 mánadag til hósdag frá kl. 10 til 15.

Other news

24. June
Guidelines for travellers to the Faroe Islands from 27 June
The guidelines for travellers to the Faroe Islands will change 27 June. From 27 June all travellers are required to test for COVID-19. This requiremen…
Read more
19. June
All travellers must now be tested
From Saturday 27 June, all people travelling to the Faroe Islands must be tested for COVID-19. This requirement also applies to Faroese citizens and r…
Read more
13. June
Temporary testing upon arrival available next week
On Monday June 15 to Friday June 19 there will be a temporary testing facility set up at Vagar Airport and at the Port of Torshavn making it possible…
Read more
Show more