14. May 2020 | kl. 10:04

Nú lata Føroyar enn meira upp

Á tíðindafundinum í dag tann 14. mai boðaði løgmaður frá, at nú skulu Føroyar enn meira upp í ferð. Ítøkiliga er talan um hesar broytingar:

 

Frástøða

Almenna tilmæli um frástøðu verður broytt úr tveimum metrum niður í ein. Sostatt skalt tú halda frástøðu á minst ein metur í almenna rúminum. 

Kortini skulu vit halda frástøðu á tveir metrar, har serlig atlit mugu takast. Tað er til dømis, har fólk í vandabólki eru, og har fólk eru serliga í serliga stórum vanda fyri dropasmittu – tað er til dømis, har sangur, róp og ítróttur eru.

 

Fleiri fólk kunnu savnast

Hetta verður nú broytt til 100 fólk. Tað vil siga, at vit kunnu í mesta lagi savnast 100 – sjálvandi við frástøðu.

 

Skúlar og útbúgvingar

Á skúlaøkinum fara allir flokkarnir aftur í skúla. Tað vil siga, at í fólkaskúlanum fara eisini 6. flokkur, 7. flokkur, 8. flokkur og 10. flokkur aftur í skúla skjótast tilber.

Somuleiðis kunnu Fróðskaparsetrið, Vinnuháskúlin og háskúlar fara aftur í skúla sum vant.

 

Áskoðarar til ítróttartiltøk

Kappróður, fótbóltsdystir og onnur ítróttatiltøk kunnu nú avgreiðast við áskoðarum. Men hetta skal gerast undir skipaðum viðurskiftum, so smittuvandin er so lítil sum tilber.

 

Dansi- og skeinkistøð

Hildið verður fast um tilmælið um, at dansi- og skeinkistøð lata aftur kl. 22:00

 

Bygdaleiðir

Bygdaleiðir hjá Strandfaraskipum Landsins fara nú at koyra eftir vanligu ferðaætlanini og uttan bílegging. Nakrar avmarkingar vera kortini. 22 ferðafólk kunnu koyra við stórum bussunum, 10 kunnu koyra við teimum miðalstóru bussunum, og fimm fólk kunnu koyra við teimum lítlu bussunum.

 

Festivalar og størri mentanartiltøk

Hildið verður fast um, at eingir festivalar ella størri mentanartiltøk verða hildin áðrenn 30 juni. Ætlanin er at eftirmeta støðuna og koma við nýggjari fráboðan seinast í mai.

 

Ferðafólk til landið

Áheitanin um, at ferðafólk ikki eiga koma til landið fram til 30.juni, stendur við. Eisini verður hildið fast við tilmælið um, at fólk, ið ferðast til Føroya, skulu í sóttarhald í 14 dagar.

Other news

10. June
Mandatory COVID-19 test upon arrival to the Faroe Islands
From October 1st 2020 to August 31st 2021 all passengers 12 years and older are required to pay a COVID-19 fee amounting to DKK 350 per passenger upon…
Read more
21. May
Test center opening hours
These are the test centre opening hours. Opening hours may be extended temporarily in connection with an increased need for testing. An overview of t…
Read more
16. May
Government eases covid restrictions for travellers to the Faroe Islands
Vaccinated and previously infected people are no longer recommended to home quarantine upon arrival to the Faroe Islands. Non-vaccinated persons are u…
Read more
Show more