19. March 2020 | kl. 14:31

Gott heilsufrøðiligt arbeiðslag til matgerð

Heilsufrøðiliga starvstovan hevur gjørt vegleiðing í samband við hondreinføri, tá matur verður gjørdur

Matvørudeildin hjá Heilsufrøðiligu starvsstovuni minnir á, at tað er umráðandi hjá borgarum og matvøruvinnuni at fylgja vanligum mannagongdum um persónligt reinføri.

Niðanfyri eru nakrar leiðreglur til matvøruframleiðarar. 

Tá hendurnar verða vaskaðar, skulu tær vaskast væl við rennandi, flógvum vatni og flótandi handsápu. Hendurnar skulu turkast í einnýtishandklæði (vanligt er at nýta einnýtishandklæði úr pappíri).

Hendurnar skulu í minsta lagi vaskast:

  • Við arbeiðsbyrjan
  • Eftir ørindi uttanfyri framleiðsluna
  • Eftir vesivitjan
  • Eftir at tú hevur snýst tær, skriðan o.l.
  • Eftir at hava nýtt handskar
  • Tá skift verður ímillum reint og skitið virksemi, t.d. tá tikið hevur verið ímóti pengum, eftir reingerð og eftir at hava tosað í telefon
  • Tá skift verður millum at arbeiða við rávøru og liðugvøru, og millum kjøt og grønmeti

Sóttreinsan
Í matvøruframleiðslu kann sóttreinsan við spritti vanliga ikki setast í staðin fyri hondvask, men kann nýtast sum ískoyti til hondreinføri annars. Spritt virkar illa á vátar hendur ella hendur, ið eru dálkaðar eftir samband við mat. Harafturat virkar spritt ikki móti t.d. norovirus, ið er atvoldin til nógvar sjúkutilburðir, ið stava frá mati.

Sjúka
Tað er umráðandi, at starvsfólk, ið arbeiða við mati, ikki eru til arbeiðis, tá ið tey eru sjúk.  

Smittar matur?
Tað er higartil ikki staðfest, at matur og drekkivatn eru orsøk til smittu við coronavirus.

Other news

27. July
Crew of foreign vessels again permitted to disembark
The crew of foreign shipping and fishing vessels are once again permitted to disembark during their vessel’s stay in a Faroese port. This permission i…
Read more
27. July
Testing of travellers extended for two more weeks
The guidelines for travellers to the Faroe Islands remain the same up to and including 14 August. All people arriving in the Faroe Islands should cont…
Read more
26. July
Covid-spread from Russian ship “unlikely”
KVF.FO: The Faroese people who were in contact with the Covid-19-infected crew of Russian ship Karelia have tested negative, but further tests are nee…
Read more
Show more