17. March 2020 | kl. 16:17

Kunning og tilmæli til matvøruframleiðarar

Heilsufrøðiliga starvsstovan hevur skrivað nøkur týdningarmikil atlit, sum matvøruframleiðarar eiga at hava í huga, nú coronasmittan er í umferð

Matvøruframleiðarar kunnu halda áfram sum vanligt, men eiga at fylgja almennu tilmælunum um fyribyrging av smittu.

Heilsufrøðiliga starvsstovan vísir á, at:

1.     Lítil sannlíkindi eru fyri at corona smittar ígjøgnum matin ella vatnið. Corona smittar via dropar í luftini og í andaleiðini, og tí eru sannlíkindini fyri at verða smittaður av mati ella vatni lítil.

2.     Tað er umráðandi at hava eitt gott heilsufrøðiligt arbeiðslag og annars fylgja rakstrarreglunum, sí www.hfs.fo.

3.     Tað er umráðandi at hava gott handreinføri og vaska sær um hendurnar ofta. Sóttreinsan við spritti kann ikki setast ístaðin fyri at vaska sær um hendurnar.

4.     Tað er umráðandi at halda tilmæli um ikki at vera meira enn 10 fólk til arbeiðis í køkinum og í mestan mun at arbeiða í skiftum.

5.     Starvsfólk skulu ikki møta til arbeiðis, um tey eru sjúk, tað veri seg av corona ella aðrari sjúku.

6.     Matstovur og kaffistovur skulu í mestan mun broyta til út-við-veitingar.

7.     Bíleggingar eiga at verða gjørdar gjøgnum telefon ella internet.

8.     Um møguligt skal út-við-veitingin veitast ígjøgnum lúku ella annað, soleiðis at so lítil kontakt verður við viðskiftafólk, sum gjørligt.

9.     Matvøruframleiðarar skulu minna viðskiftafólkini á at halda frástøðu (2 metrar) í køini.

10.   Kundar eiga at brúka gjaldkort uttan at nerta við terminalin.

 

Um spurningar eru til eitt hvørt víðvikjandi matframleiðslu og smittuvanda, ber til at seta í samband við Heilsufrøðiligu starvsstovuna á 55 64 00 ella við at senda ein teldupost á hfs@hsf.fo.

Other news

27. July
Crew of foreign vessels again permitted to disembark
The crew of foreign shipping and fishing vessels are once again permitted to disembark during their vessel’s stay in a Faroese port. This permission i…
Read more
27. July
Testing of travellers extended for two more weeks
The guidelines for travellers to the Faroe Islands remain the same up to and including 14 August. All people arriving in the Faroe Islands should cont…
Read more
26. July
Covid-spread from Russian ship “unlikely”
KVF.FO: The Faroese people who were in contact with the Covid-19-infected crew of Russian ship Karelia have tested negative, but further tests are nee…
Read more
Show more