Hvussu gera vit á arbeiðsplássinum?

Hesi almennu tilmæli eiga at verða fylgd:

• Haldið hóskandi frástøðu (2 metrar), tí coronavirus smittar skjótt og lætt.
• Být starvsfólk sundur í smærri vaktir, sum ikki arbeiða samstundis.
• Lat ikki vaktirnar møtast í hurðini.
• Vaska/spritta millum hvørja vakt.
• Minst til handreinføri – vaska tær væl um hendurnar og spritta aftaná.
• Starvsfólk skulu vera varug við sjúkueyðkenni, ið kunnu benda á coronavirus, t.d. hosta og fepur, og skulu vera heima um tey merkja sær okkurt.

Skipan av arbeiðinum
Arbeiðs- og brunaeftirlitið hevur sett saman vegleiðing í samband við skipan av arbeiðinum.

• Gerið váðametingar av smittuvandum, ið eru knýttir at arbeiðsuppgávunum, og gerið munagóð fyribyrgjandi tiltøk - t.d. við at nýta handskar, at spritta ella spjaðing av viðskiftafólki.
• Gerið greitt, um ávís starvsfólk eru í serligum vandabólkum, og tak serligt atlit til hesi - t.d. starvsfólk, sum hava niðursett mótstøðuføri.
• Haldið hóskandi frástøðu (2 metrar) millum starvsfólkini, tí covid-19 smittar lætt og skjótt.
• Mælt verður til, at fólk í minst møguligan mun savnast í bólkum. Jú færri tess betri - í mesta lagi 10 fólk.
• Být starvsfólk sundur í smærri vaktir, sum ikki arbeiða samstundis.
• Lat ikki vaktirnar møtast í hurðini.
• Vaska/spritta millum hvørja vakt - sí leiðbeining um reinføri á arbeiðsplássinum omanfyri.
• Tilmæli um í mesta lagi 10 fólk eigur helst at vera fylgt.
• Er ikki møguligt at fylgja tilmælinum um, at í mesta lagi 10 fólk eru saman í senn (t.d. á flakavirkjum), er serliga umráðandi at hava serlig fyrilit og fyrivarni - m.a. økja enn meira um reingerð av felagsøkjum, og at tryggja at fólk einans savnast í smærri bólkum.
• Starvsfólk hava altíð eina skyldu til at virða og fylgja fyribyrgjandi átøkum, sum ein arbeiðsgevari setur í verk.

Sí plakat frá Arbeiðs- og brunaeftirlitinum her.

Innanhýsis kunning á arbeiðsplássum 
Arbeiðs- og brunaeftirlitið hevur sett saman vegleiðing í samband við innanhýsis kunning á arbeiðsplássum. 

• Kunna starvsfólkini væl og greitt um, hvørjar tillagingar eru gjørdar á arbeiðsplássinum og um serligar mannagongdir eru galdandi.
• Gev greið boð, um starvsfólk eru farin í sóttarhald, og hvørt hetta ávirkar onnur starvsfólk.
• Savna alla innanhýsis kunning á einum stað - talgilt ella á einum sjónligum stað á arbeiðsplássinum.
• Avmarka innanhýsis kunningina um coronasmittuna til kunning og tilmæli frá almennu myndugleikunum.

Sí plakat frá Arbeiðs- og brunaeftirlitinum her.

Leiðbeinging í samband við kaffisteðgir, uppihald í kantinum og annað
Arbeiðs- og brunaeftirlitið hevur sett saman vegleiðing í samband við kaffisteðgir, uppihald í kantinum, køkum og onnur støð, har fólk mangan savnast á arbeiðsplássum

• Mælt verður til, at fólk í minst møguligan mun savnast í bólkum. Jú færri tess betri - í mesta lagi 10 fólk.
• Haldið hóskandi frástøðu (2 metrar) millum starvsfólkini, tí coronasjúkan smittar skjótt og lætt.
• Minst til handreinføri: vaska tær ofta og væl um hendurnar. Hav hondspritt tøkt, soleiðis at starvsfólk kunnu spritta hendurnar áðrenn og aftaná tey fara í kaffistovur, kantinur og onnur felagsøkir.
• Mælt verður frá at hava sjálvtøkuborð ella líknandi. Um tað er møguligt, lat so starvsfólkini í kantinuni handfara og flýggja út matin. Skift borðbúnaðin ofta - t.d. 10 hvønn minutt.
• Vaska kaffistovur, kantinur og felagsøkir dagliga - serliga yvirflatur, ið kunnu viðvirkar til smittubreiðslu - t.d. borð, stólar, hurðar og trappugelendari - sí leiðbeining um reinføri á arbeiðsplássinum.
• Skipa so fyri, at fólk sleppa undan at trýsta á somu støð, tá tey fáa sær kaffi ella vatn. Hesi felags kontaktstøð kunnu gerast smittuspjaðarar.
• Starvsfólk hava altíð eina skyldu til at virða og fylgja fyribyrgjandi átøkum, sum ein arbeiðsgevari setur í verk.
   

Sí plakat frá Arbeiðs- og brunaeftirlitinum her.

Tað ber ikki til á mínum arbeiðsplássi at vera færri enn 10 fólk

Tilmæli um í mesta lagi 10 fólk eigur helst at verða fylgt. Er ikki møguligt at fylgja tilmælinum um, at í mesta lagi 10 fólk eru saman í senn (t.d. á flakavirkjum), er serliga umráðandi at hava serlig fyrilit og fyrivarni.

So vítt møguligt verður mælt til:

• Haldið hóskandi frástøðu (2 metrar), tí coronavirus smittar skjótt og lætt.
• Být starvsfólk sundur í smærri vaktir, sum ikki arbeiða samstundis.
• Lat ikki vaktirnar møtast í hurðini
• Vaska/spritta millum hvørja vakt
• Minst til handreinføri – vaska tær væl um hendurnar og spritta aftaná
• Starvsfólk skulu vera varug við sjúkueyðkenni, ið kunnu benda á coronavirus, t.d. hosta og fepur, og skulu vera heima um tey merkja sær okkurt.