Fevnd av hesi skipan eru tey, sum reka vinnuvirksemið í einum einstaklingavirki ella einum íognarfelag. Eisini onnur, sum reka vinnu og sum eru skrásett í Vinnuskránni hjá TAKS og hava eitt v-tal kunnu koma í skipanina sum sjálvstøðug vinnurekandi.

Hevur tú sum vinnurekandi einki v-tal, so ber til at venda sær til TAKS og skráseta teg í Vinnuskránni og fáa eitt v-tal frá TAKS. TAKS ger eina ítøkiliga meting av, um tú lýkur treytirnar fyri at fáa eitt v-tal. Lýkur tú ikki treytirnar, fært tú ikki eitt v-tal.

Legg til merkis, at eitt v-tal er í sjálvum sær ikki ein treyt fyri at vera mettur sum sjálvstøðugur vinnurekandi, tí v-tal fært tú bara, um virksemið hjá tær er MVG-skyldugt ella um tú skalt flyta løn. Tónleikarar t.d skulu bara rinda mvg, um teir sjálvir skipa fyri ella standa fyri virksemi, t.d. eini konsert. Eitt nú hýruvognkoyring er heldur ikki mvg-skyldugt virksemi.

Í teimum førum, tá persónur hevur sjálvstøðugt vinnurvirksemi, men einki v-tal, so ger ALS eina ítøkiliga meting av, hvørt tú lýkur treytirnar til at vera at meta sum sjálvstøðugur vinnurekandi. Metir ALS, at tú lýkur treytirnar, so hevur tú rætt til at tekna trygging sum sjálvstøðugur vinnurekandi og senda ALS umsókn um stuðul við virknaði frá fyrsta degi.

Eisini persónar, sum reka sjálvstøðugt vinnuvirksemi í einum íverksetarafelag eru fevnd av serligu Korona-skipanini.

Persónar, sum arbeiða hjá einum partafelag ella smápartafelag eru at meta sum vanlig starvsfólk og koma undir skipanina sum starvsfólk. Hetta er eisini galdandi, um persónur er stjóri í felagnum og/ella um persónur eigur part av ella allan parta- ella smápartapeningin í felagnum.

Í førum, har persónur er stjóri í einum partafelag ella smápartafelag – sum viðkomandi møguliga eigur sjálvur – skal viðkomandi sum arbeiðsgevara tekna seg sjálvan sum starvsfólk til serligu korona-skipanina.

Tú skalt hava teknað eina trygging áðrenn, skipanin verður galdandi fyri teg. Skipanin er galdandi frá tí degi, tú teknar tryggingina. Tryggingin kostar 3.000 kr um árið.

Tú teknar tryggingina á vanligan hátt, við at útfylla umsóknarblað, sum tú finnur á heimasíðuni hjá ALS.

Øll starvsfólk, sum lúka hesar treytir, eru fevnd av skipanini við lønarískoyti:

Treytirnar fyri at starvsfólk hevur rætt til lønarískoyti sambært serligu korona-skipanini eru:

• at starvsfólkið er í starvi hjá arbeiðsgevara á privata arbeiðsmarknaðinum
• at starvsfólkið framvegis er i starvi hjá hesum arbeiðsgevaranum. Tað merkir, at starvsfólkið ikki er sagt úr starvi
• at arbeiðsgevari hevur sent starvsfólkið heim – fult ella partvíst
• at orsøkin til, at starvsfólkið er sent heim, er avleiðingar av teimum átøkum, sum eru sett í verk fyri at basa spjaðingini av COVID-19, og av hesi orsøk ikki kann uppfylla sína starvsskyldu fult ella partvíst
• at starvsfólkið ikki er sjúkrameldað.
• at starvsfólkið ikki er sett ella mælt til at fara í sóttarhald orsakað av COVID-19
• at starvsfólkið hevur fylt 16 ár men ikki 67 ár
• at starvsfólkið hevur bústað í Føroyum

Øll starvsfólk hjá føroyskum privatum arbeiðsgevara, sum lúka treytirnar fyri útgjaldi, eru fevnd av skipanini, bæði føroyingar og útlendingar.

Um starvsfólkið verður sagt úr starvi, eru tað vanligu reglurnar í ALS-skipanini, sum eru galdandi.

Ja, um tú teknar eina trygging, verður skipanin eisini galdandi fyri teg frá tí degi, tú teknar tryggingina. Tryggingin kostar 3.000 kr um árið.

Stuðulin er 115,38 kr um tíman í mesta lagi 40 tímar um vikuna. Stuðulin verður veittur í sama lutfalli, sum virksemið minkar. Tú kanst venda tær til ALS um hetta.

Tú teknar tryggingina á vanligan hátt, við at útfylla umsóknarblað, sum tú finnur á heimasíðuni hjá ALS.

Ja, skipanin fevnir bæði um tey, sum starvast á landi og á sjónum.

Starvsfólkið fær lønarískoyti á 115,38 kr/tíman, í mesta lagi 40 tímar um vikuna. Hetta svarar til í mesta lagi 20 tús. kr. um mánaðin í miðal.

Dømi 1: Starvsfólkið hevur áðrenn COVID-19 arbeitt fulla tíð og forvunnið 30.000 kr. um mánaðin.

• Heimsent uttan løn:
  • Endurgjaldið úr ALS: í miðal 20.000 kr. um mánaðin.
  • Løn frá arbeiðsgevara: 0 kr.

• Sett niður í hálva tíð:
  • Endurgjaldið úr ALS: í miðal 10.000 kr um mánaðin (½ x 20.000)
  • Løn frá arbeiðsgevara: 15.000 kr. um mánaðin (½ x 30.000)
  • Tilsamans 25.000 kr.

Dømi 2: Tímalønt starvsfólk, sum hevur arbeitt 30 tímar um vikuna.

• Verður heimsent uttan løn:
  • Endurgjaldið úr ALS: 3.461,40 kr/vikuna (30 tímar x 115,38 kr/t)
• Verður sett niður í tíð, so tað arbeiðir 8 tímar um vikuna:
  • Vikuliga endurgjaldið úr ALS: 2.538,36 kr/vikuna (30-8 tímar = 22 tímar x 115,38 kr/t).
  • Harumframt 8 x tímaløn frá arbeiðsgevara

Lønarískoytið er í mesta lagi í miðal 20.000 krónur um mánaðin. Útgoldna upphæddin kann skifta alt eftir, hvussu nógvir dagar eru í einum mánað.

Lønarískoytið verður goldið í lutfalli til, hvussu nógv ein arbeiðir niðursetta tíð.

Dømi 1:

Hevur tú verið í fulltíðarstarvi og verður send til hús og als ikki arbeiðir nú, so fært tú fult útgjald frá ALS, sum er í miðal 20.000 krónur um mánaðin.

Dømi 2:

Hevur tú verið í fulltíðarstarvi og verður sendur til hús, men arbeiðir hálva tíð, so fært tú helvtina av vanligu lønini frá arbeiðsgevaranum hjá tær og helvtina av lønarískoytinum frá ALS.

Tað vil siga, at hevði tú eina inntøku á 30 tús. krónur um mánaðin, meðan tú arbeiddi fulla tíð, so fært tú:

• 30.000 x 0,5 = 15.000 krónur frá arbeiðsgevaranum
• 20.000 x 0,5 = 10.000 krónur í lønarískoyti frá ALS
• Tilsamans 25.000 krónur um mánaðin.

Dømi 3:

Hevur tú verið í fulltíðarstarvi og verður sendur til hús, men arbeiðir 25% av fullari tíð, so fært tú fjórðingin av vanligu lønini frá arbeiðsgevaranum hjá tær, og 75% av lønarískoytinum frá ALS.

Tað vil siga, at hevði tú eina inntøku á 30 tús. krónur um mánaðin, meðan tú arbeiddi fulla tíð, so fært tú:

• 30.000 x 0,25 = 7.500 krónur frá arbeiðsgevaranum
• 20.000 x 0,75 = 15.000 krónur í lønarískoyti frá ALS
• Tilsamans 22.500 krónur um mánaðin.

Dømi 4:

Hevur tú verið í starvi hálva tíð og verður sendur til hús, men arbeiðir nú helvtina av tíðini, tú arbeiddi áðrenn, tú varð sendur til hús (altso 25% av fullari tíð), so fært tú helvtina av vanligu lønini frá arbeiðsgevaranum hjá tær og 25% av lønarískoytinum frá ALS.

Tað vil siga, at hevði tú eina inntøku á 20 tús. krónur um mánaðin, meðan tú arbeiddi hálva tíð, so fært tú:

• 20.000 x 0, 5 = 10.000 krónur frá arbeiðsgevaranum
• 20.000 x 0,25 = 5.000 krónur í lønarískoyti frá ALS
• Tilsamans 15.000 krónur um mánaðin.

Dagpengalógin fevnir um persónar, sum eru staðfestir sjúkir, og nú eisini um persónar, sum eru í sóttarhaldi eftir boðum ella tilmæli frá heilsumyndugleikunum.

Tí er talan um at heimsenda, um fyritøkan má seta herd tiltøk í verk fyri at tryggja framleiðslu og starvsfólk, sum avleiðing av COVID-19. Starvsfólk kunnu tá fáa útgjald úr ALS.

Arbeiðsgevari váttar á umsóknarblaði, at starvsfólk hevur boðað arbeiðsgevaranum frá, at tað av heilsumyndugleikunum er sett í sóttarhald ella av heilsumyndugleikanum er mælt til at fara í sóttarhald.

Umsóknarblaðið er at finna á heimasíðuni hjá Almannaverkinum.

Arbeiðsgevarin skal senda eina umsókn um afturrindan til Almannaverkið í seinasta lagi 90. dagin eftir 1. fráverudag.

Umsóknarblaðið er at finna á heimasíðuni hjá Almannaverkinum.

Um tú eigur MVG til góðar, kann hetta verða útgoldið sum vanligt, í tráð við reglurnar í kap. 9 í MVG-lógini.