Ferðing

Dagført 9. november 2020

Øll óneyðug ferðing úr Føroyum til onnur lond verður frámælt í løtuni. 

Heitt verður á øll, sum koma til Føroya úr útlandinum, um at lata seg kanna tríggjar dagar fyri fráferð.

Øll ferðandi skulu kannast við komu til Føroya.

Hetta er eisini galdandi fyri allar føroyingar, búsitandi í Føroyum, ið hava verið uttanlands. Harumframt verður mælt til, at øll ferðandi lata seg kanna aftur seks dagar eftir komu til Føroya. Øll ferðandi eiga at vísa serligt varsemi hesa tíðina.

Vit hava savna ofta settir spurningar á hesari síðuni.

Hvørjum londum er latið upp fyri? 

Danska stjórnin hevur boðað frá, at markið verður latið upp fyri ES-limalondum, londunum í Schengen-samstarvinum og Stóra Bretlandi. Ein treyt er kortini, at smittutalið í londunum er lágt – undir 20 smittað fyri hvørjar 100.000 íbúgvar um vikuna.

Hetta merkir, at tað kunnu vera vikuligar broytingar viðvíkjandi teimum londum, sum latið verður upp fyri. Lond verða bólkað í tveir bólkar: karantenulond og loyvd lond. 

Lond uttan fyri ES, Schengen og Stóra Bretland eru at rokna sum karantenulond. Tað eru nøkur undantøk, og tú finnur tey á listanum omanfyri. Ferðafólk búsett í karantenulondunum kunnu ikki koma til Føroya uttan eitt viðurkenningarvert endamál. Les meira um tað her.

Skalt tú ferðast úr Føroyum, verður staðiliga mælt til, at tú kunnar teg um støðuna í tí landinum, sum ferðast verður til. Les meira á heimasíðuni hjá danska uttanríkisráðnum, har tú eisini finnur ferðavegleiðingar til ymisk lond. 

Um tú býrt í einum loyvdum landi

Áðrenn fráferð: Vís varsemi á ferðini

Tað er sera umráðandi, at øll ferðandi til Føroya vísa varsemi á ferðini. Á flogvøllinum eiga ferðafólk at vera í masku.

Tryggja tær, at tú ert kunnað/-ur um støðuna og tey tilmæli, sum eru galdandi í tí landi, sum tú ferðast til. Tryggja tær eisini, at tú hevur neyðugu skjølini við. 

Við komu til Føroya: Øll ferðandi skulu kannast 

Øll skulu kannast. Børn yngri enn 12 ár noyðast tó ikki at lata seg kanna.

Ferðast tú við flogfari, verða kanningar framdar við komu. Ferðast tú sjóvegis, verða kanningar framdar áðrenn fráferð. Fyri nærri kunning, set teg í samband við ferðaskrivstovuna.

Frá 1. oktober skulu ferðandi rinda fyri kanningina.Kanningin kostar 312 krónur. Tað eru flutningsfeløgini, ið hava fingið til uppgávu at krevja gjaldið inn.

Øll ferðandi til Føroya fáa við komu ein faldara, sum tú eisini finnur her

Eftir komu: Heimauppihald til kanningarúrslitið er tøkt

Tað verður heitt á øll ferðandi um at fara í heimauppihald, til tey hava fingið svar upp á fyrstu kanningina. Vanliga eru kanningarúrslitini klár sama kvøld og í seinasta lagi á middegi dagin eftir. Í tíðini millum fyrstu og aðru kanning, eiga ferðandi at vísa serligt varsemi. 

Tey ferðandi kunnu vænta sær drúgvari bíðitíð, tá ið tey koma til landið.

Ferðandi, sum skulu víðari við almennu samferðsluni ella hýruvogni, eiga at vera í maskum, til endaliga ferðamálið er rokkið. 

Seks dagar eftir komu: Kanna seg umaftur

Mælt verður til, at ferðandi lata seg kanna aftur seks dagar eftir komu til Føroya. Ferðandi kunnu ókeypis lata seg kanna á kanningarstøðum hjá Sjúkrahúsverkinum. Ferðandi kunnu eisini lata seg kanna á kanningarstovuni hjá Thetis, kostnaðurin er 390 krónur.

Tú eigur at vera heilt serliga ansin frí tí degi, tú kemur til Føroya og til kanningarúrslitið frá sætta degi er tøkt. Í stuttum ert tú saman við so fáum sum til ber, føðingardagar mugu bíða, og tú kemur ikki saman við øðrum í stórum fjøldum. Tú eigur heldur ikki at fara til arbeiðis uttan so, at tú kanst vera avskorin frá fólki. 

Í Føroyum: Minnist til frástøðu og gott reinføri

Tað er sera týdningarmikið, at ferðandi, sum nýliga eru komin til landið, eru serliga ansin og fylgja almennu tilmælunum um frástøðu og gott reinføri. Kennir tú teg sjúkan, skalt tú lata teg kanna beinanvegin. Les meira um almennu tilmælini her.

 

Um tú býrt í einum karantenulandi

Áðrenn fráferð: Viðurkenningarvert endamál

Einans føroyingar og útlendingar við viðurkenningarverdum kunnu koma til Føroya úr sokallaðu karantenulondunum. Tryggja tær tí, at tú hevur neyðugu skjølini við tær á ferðini. Les meira um viðurkenningarverd endamál her

Við komu: Øll ferðandi skulu kannast 

Øll ferðafólk, sum koma til landið, skulu kannast. Børn yngri enn 12 ár noyðast tó ikki at lata seg kanna.

Ferðast tú við flogfari, verða kanningar framdar við komu. Ferðast tú sjóvegis, verða kanningar framdar áðrenn fráferð. Fyri nærri kunning, set teg í samband við ferðaskrivstovuna. 

Kanningar eru ókeypis til og við 30. september 2020. Frá 1. oktober skulu ferðandi rinda fyri kanningina.

Øll ferðandi til Føroya fáa við komu ein faldara, sum tú eisini finnur her

Eftir komu: Ver serliga varin

Kemur tú úr einum landi við høgum smittutrýsti, t.e. yvir 30 pr. 100.000 íbúgvar, eigur tú at lata teg kanna á 6.degi, og vera serliga varin í 10 dagar eftir komu til Føroya. Her eigur tú at leggja tær í geyma at halda almennu frástøðutilmælini á 1 til 2 metrar, kravið um reinføri, spritta hendur og ikki savnast í størri fjøldum.

Kunna teg um smittutrýstið her

Í Føroyum: Minnist til frástøðu og gott reinføri

Tað er sera týdningarmikið, at ferðandi, sum nýliga eru komin til landið, eru serliga ansin og fylgja almennu tilmælunum um frástøðu og gott reinføri. Kennir tú teg sjúkan, skalt tú lata teg kanna beinanvegin. Les meira um almennu tilmælini her.

 

Landsstýrið fylgir støðugt gongdini, og er neyðugt at endurskoða galdandi skipanir, verður hetta gjørt.