Ferðing

Dagført 04. mai 2021

Øll eiga at avmarka ferðing til og úr Føroyum til vaksinutilgongdin er liðug.

Heitt verður á øll, sum koma til Føroya úr Danmark um at lata seg kanna tríggjar dagar fyri fráferð. Kanningin eigur at vera ein PCR-kanning, sum er umleið 72 tímar gomul (millum 3 og 5 dagar). 

Øll ferðandi skulu kannast við komu til Føroya.

Hetta er eisini galdandi fyri allar føroyingar, búsitandi í Føroyum, ið hava verið uttanlands. Harumframt verður mælt til, at øll ferðandi lata seg kanna aftur fýra dagar eftir komu til Føroya. Øll ferðandi eiga at fara í heimauppihald til kanningarúrslitið á fjórða degi er tøkt.

Danmark broytt ferðavegleiðingar

Danskir myndugleikar hava avgjørt at broyta ferðavegleiðingarnar til og úr Danmark. Frameftir fara ferðavegleiðingarnar – aftur – at byggja á smittustøðuna í teimum ymisku londunum. Hetta hevur við sær, at størsti partur av heiminum aftur verður litaður appelsingulur.

Her ber til at lesa meira um nýggjastu ferðavegleiðingarnar

Her ber til at lesa um krøvini, ið verða sett teimum, ið ætla sær til Danmarkar

Innanríkisflúgving og flúgving millum Føroyar og Danmark eru ikki fevnd av krøvunum. Sostatt eru ongar broytingar í mun til til flúgving millum Føroyar og Danmark. Men nýggju krøvini ávirka alla ferðing til og úr Føroyum til onnur lond enn Danmark.    

Herdar innferðarreglur til Noregs

Norska stjórnin hevur hert innferðarreglurnar fyri útlendingar, ið ætla sær til Noregs. Yvirskipað verða mørkini latin aftur fyri øllum, sum ikki búgva í Noregi.  

Tað eru kortini fleiri undantøk, ið kunnu hava týdning fyri okkum í Føroyum. Millum annað eru sjófólk undantikin. Eisini eru starvsfólk, ið røkja samfelagstýðandi størv, undantikin. Her sæst eitt yvirlit yvir innferðarreglurnar í Noregi.

Við komu til Føroya: Øll ferðandi skulu kannast 

Øll skulu kannast. Børn yngri enn 12 ár noyðast tó ikki at lata seg kanna. Børn undir 12 ár fáa kortini boðið eina ókeypis kanning við markið.

Ferðast tú við flogfari, verða kanningar framdar við komu. Ferðast tú sjóvegis, verða kanningar framdar áðrenn fráferð. Fyri nærri kunning, set teg í samband við ferðaskrivstovuna. Ferðandi rinda fyri kanningina, sum kostar 312 krónur. Tað eru flutningsfeløgini, ið hava fingið til uppgávu at krevja gjaldið inn.

Øll ferðandi til Føroya fáa við komu ein faldara, sum tú eisini finnur her

Eftir komu: Heimauppihald til kanningarúrslitið fjórða dag er tøkt

Myndugleikarnir mæla til, at øll, sum koma til Føroya, um at fara í heimauppihald til kanningarúrslitið á fjórða degi er tøkt. 

Tað vil siga, at:

·       Tú ert heima við hús, men minst til at halda frástøðu á 2 metrar og hava gott reinføri, tá ið tú ert saman við familjuni/húsfólkinum

·         Tú fært ikki vitjan.

·         Skalt tú arbeiða, skal tað gerast heimanifrá.

·         Tú kanst fara túr í egnum bili og vera úti í náttúruni, har onnur ikki eru. Halt teg frá øðrum.

Um tann ferðandi heldur øll tilmælini omanfyri, so kunnu familja/húsfólk virka sum vanligt í samfelagnum.  

Tað verður staðiliga mælt til, at tann ferðandi letur teg kanna 4. dagin eftir, at viðkomandi er komin til Føroya. Er hetta ikki gjørligt, eigur tann ferðandi at lata seg kanna 5. dagin

Ferðandi, ið eru liðugt vaksinerað, og tað eru gingnir átta dagar síðandi seinna prikið, sleppa undan at fara í 4 daga heimauppihald.

Ferðandi, ið hava havt koronusmittuna, staðfest við einari PCR kanning, og tað eru 10 dagar farnir síðani positivu royndina, sleppa eisini undan tilmælinum um 4 daga heimauppihald.

Hendan kanning er ókeypis á kanningarstøðunum hjá sjúkrahúsverkinum. Les meira um tað her.

Landsstýrið fylgir støðugt gongdini, og er neyðugt at endurskoða galdandi skipanir, verður hetta gjørt.