Øll óneyðug ferðing til onnur lond verður frámælt

Øll, sum koma til Føroya, eiga, har tað letur seg gera, lata seg kanna tríggjar dagar undan fráferð.

Øll ferðandi eiga at verða serliga ansin frá tí tey koma til landið til eftir kanningarúrslitið á sætta degi. Í stuttum ert tú saman við so fáum sum til ber, føðingardagar mugu bíða, og tú kemur ikki saman við øðrum fólkum í stórum bólkum. Tú eigur heldur ikki at fara til arbeiðis uttan so, at tú kanst vera avskorin frá fólki.

Øll ferðandi fáa eina áminning á fimta degi um at lata seg kanna á sætta degi

Øll ferðafólk skulu kannast við komu til Føroya. Ferðandi skulu fara beinleiðis í heimauppihald, til kanningarúrslitið er tøkt. Vanliga er kanningarúrslitið tøkt sama kvøld og í seinasta lagi á middegi dagin eftir.

Mælt verður til, at ferðandi aftur lata seg kanna seks dagar eftir komu til Føroya.

Tað eiga ikki at vera fleiri enn 20 fólk savnað til jólaborðhald og annað veitslulag

Mælt verður framhaldandi til, at halda frástøðu á tveir metrar, har smittuvandin er størri.

Mælt verður til, at fólk halda hóskandi frástøðu (1-2 metur), tá ferðast verður í almenna rúminum.

Mælt verður til, at øll størri tiltøk so sum festivalar, ítróttastevnur og aðrar stórar veitslur fyribils verða útsettar ella avlýstar.

Tað kunnu framvegis í mesta lagi 100 fólk savnast - við frástøðu.